Aspertzeko betarik ez dute izango Aian Gabon bueltan. Izan ere, ekitaldi sorta ederra antolatu dute egunotarako, adin guztietako herritarrentzat.
Bihar, esaterako, haur eta nerabeentzako olinpiadak antolatu eta txokolatada prestatuko dute. Herriko plazan jarri dute hitzordua, 16:30ean. Ondorengo ekitaldiak ere izango dira datozen egunetan:
- Abenduak 28, asteazkena. Skapaie elektrotxaranga, 19:00etan, plazatik abiatuta. Inuzente Afaria, 21:00etan hasita, probalekuan. Ondoren, DJ Ibon. Afarirako txartelak Iturriozena tabernan daude eskuragai, 25 euroren truke. Abenduaren 18a da izena emateko azken eguna. Aiako Gazte Asanbladak antolatu du.
- Abenduak 30, ostirala. San Silbestre lasterketa, herriko plazatik abiatuta. 16:30ean zabalduko dute izen-ematea eta 17:00etan hasiko da lasterketa.
- Urtarrilak 3, asteartea. Ekain pailazoaren Aho bete hortz ikuskizuna, 12:00etan, probalekuan. Ondoren, Erregeen postariak gutunak jasoko ditu. Arratsaldean, berriz, Erregeen etorrera, 19:00etan, herriko plazan.
- Urtarrilak 7, larunbata. II. Pala Txapelketa Mistoaren finalak, 18:00etan, frontoian.