Gaur San Pedro Eguna ospatzen ari dira Andatza auzoan, eta, ohiturari jarraituz, auzoko gazteen arteko herri-kirol erronka egin dute eguerdian. Gazteak bi taldetan banatu dira, Jokin Urretabizkaia Basozabal eta Suharri Rodriguez Paolla aizkolariekin batera, eta elkarren aurka aritu dira lehian honako probetan: trontzan, txingetan, aizkoran, lokotx biltzen, zaku-eramatean eta korrika. Giro ederra izan da hitzorduan, eta auzotar ugari bertaratu dira San Pedro Eguneko jai giroaz gozatzera.