Ekainaren 19rako kontzertu berezia antolatu dute Aiako Andatza auzoan. Xabi Solano Maiza igoko da oholtza gainera eta beste hainbat talde eta musikari izango ditu lagun: Kimua Dantza Kolektiboa, Amak laukotea, Maren, Gozategi taldea eta Pini. Gainera, ezusteko bat ere prestatu dute kontzerturako. Ondoren, erromeria izango da.
Sarrerak bihar, ekainaren 2an, 16:30etik aurrera jarriko dituzte salgai Musikaze atarian, eta Aiako Kultur Etxean eskuratzeko aukera ere izango da; honako hau da bertako telefono zenbakia 943-13 09 24. Sarrerak 15 euroko prezioa izango du aldez aurretik erosita eta 20 euro egunean bertan.