Autobus zerbitzu berezia egongo da Landare Berezien Azokara joan-etorriak egiteko

Landare Berezien 18. Azoka egingo da bihar eta etzi Aiako Iturrarango Lorategi Botanikoan. Antolatzaileek azaldu dutenez, aurten ere autobus zerbitzua egongo da azokara joan-etorriak egiteko. Azokak 10:00-18:00 ordutegia izango du, eta 09:45ean hasita, ordu erdiro autobusak aterako dira Txurrukatik eta Aiako herrigunetik azokara. Denbora tarte berarekin eskainiko dituzte itzulerako autobusak ere.