Galdutako erlearen bila orientazio jolasa antolatuko dute Iturraran Parketxean, ostegun honetarako. Talde txikitan egiteko modukoa da, eta ondoren, erlategira bisita eginez bukatuko dute jarduera. 10:15etan hasita, erlategira bisita gidatua eskainiko dute, eta erlauntza baten irekiera ikusteko aukera izango dute parte hartzaileek.
Helduen prezioa 6 eurokoa da eta 3 eta 12 urte bitarteko haurrentzat, berriz, 4 eurokoa. Informazio gehiago jasotzeko edo izena emateko, 943 83 53 89 zenbakira deitu edo iturraran@gipuzkoanatura.eus helbidera idatzi behar dute interesa duten herritarrek.