Gipuzkoako Orientazio Taldeak diseinatutako orientazio zirkuituetako batean Altxorraren bila jolasa egingo dute hilaren 24an eta 31n, Pagoeta Parke Naturaleko Iturraran lorategi botanikoan. Hala, orientazio mapa baten laguntzaz lorategian zehar kokatuta egongo diren balizak topatu beharko dituzte familiek, eta parte hartzen duten bitartean naturako zenbait gairi buruzko galdera erantzun beharko dituzte altxorra bilatu ahal izateko.
Ekimenean parte hartu nahi dutenek aurrez erreserba egin beharko dute iturraran@gipuzkoanatura.eus helbidera idatzita, urtarrilaren 23a edo urtarrilaren 30a baino lehen. Helduek bost euro ordaindu beharko dituzte eta haurrek hiru.