Iturraran parketxeak antolatuta, Igeldoko Arrano Etxean sendatutako bi zapelatz askatuko dituzte Pagoeta natur parkean. Igandean, 13:00etatik 14:00etara, utziko dituzte libre hegaztiak eta bertan izan nahi dutenek aldez aurretik eman beharko dute izena 943-83 53 89 telefono zenbakira deituta edo iturraran@gipuzkoanatura.eus helbidera idatzita. Jardueran parte hartzea 3 euroko kostako da.
COVID-19 izurria dela eta, osasun prebentzio neurriak hartuko dituzte irteeran. Hala, talde txikitan banatuko dira parte hartzaileak eta segurtasun tartea mantendu beharko da uneoro; eskuak garbitu beharko dira gel hidroalkoholikoarekin eta musukoa eramatea derrigorrezkoa izango da.