Jose Fermin Asiain irakasleak Taichi-Chikung saioa eskainiko du Iturrarango lorategi botanikoan, urriaren 27an, igandearekin. "Mugimenduaren bitartez, gure barneko energia indartu eta orekatuko dugu, naturarekin bat eginez", azaldu dute antolatzaileek.
Saioa 11:00etatik 13:00etara bitartean izango da, eta 12 urtetik gorako herritarrei zuzendua dago. Parte hartu nahi dutenek 943-835389 telefono zenbakira hots egin dezakete izena emateko, edo iturraran@gipuzkoamendizmendi.net helbidera idatzi.
Saioaren prezioa laguneko bost eurokoa da.