Aiako EH Bilduko kideek auzoetan bilera irekiak egingo dituzte datozen egunetan. Horrela, auzotarren iritzi, kexa eta nahiak jaso nahi dituzte, datorren agintaldian udalean lantzeko asmoz.
Lehen bilera gaur bertan egingo dute Santio Erreka auzoan. Asteazkenean, Urdanetan izango dira, eta ostegunean Andantzan. Bilera guztiak 19:00etan izango dira. Auzotarrak bileretan parte hartzera animatu dituzte koalizioko kideek.