Zerga-sistema nekazari eremuan. Jarduera ekonomikoak izenburupean, nekazaritza-eremuko zergak izango dituzte hizpide Aian, Hitzez Baserriko Emakumeen Elkartearen eskutik. Asteazkenean, martxoak 8, izango da hitzaldia, Aiako Kultur Etxean. 15:15ean hasiko da.
Jesus Mari Letek emango ditu gaiari buruzko azalpenak. Abelur Kooperatibako kidea da Lete; hain zuzen, nekazaritza-eremuko aholkularitzan egiten dute lan. Hitzez taldeko kideek azaldu dutenez, hitzaldiaren ostean, hausnartzeko eta eztabaidatzeko parada izango dute bertaratzen direnek.