Igandean galdu ezineko hitzordua izango dute erromeria zaleek Aiako Andatza auzoan. Izan ere, Aristerrazuko erromeria denboraldi berriari ekingo diote datorren asteburuan, eta Izer eta Alabier trikitilariak igoko dira oholtza gainera.
Ohiturari jarraituz, 18:30ean hasi eta 21:30ak ingurura arte luzatuko da saioa, eta Andatzako Erromeria Elkarteak herritarrak hitzordura gonbidatu ditu.