Sendabelarren ikastaroa antolatu dute Iturraran Parketxean martxoaren 26rako. Ondoez arinetarako etxerako botikina prestatzen ikasiko dute bertan parte-hartzaileek. Clara Gurierrez etno-botanikariak emango du ikastaroa eta inguruan ditugun sendabelarrak ezagutu eta erabiltzen irakatsiko du, horiekin min arinentzako erremedioak egiteko.
Martxoaren 26an, igandean, izango da ikastaroa, 10:00etatik 14:00etara. Izen-ematea aurrez egin beharko da, plazak mugatuak izango baitira. Erreserbak egin edo informazio gehiago lortu nahi duenak 943 83 53 89 telefono zenbakira deitu edo iturraran@gipuzkoamendizmendi.net helbide elektronikora idatz dezake.