Bio-eraikuntzaren adiskideak taldeak hiru hilean behin topaketak egiten ditu Euskal Herriko herrietan bio-eraikuntzarekin loturiko gaiak lantzeko. Hurrengo topaketa Aian izango da, datorren larunbatean, urtarrilaren 28an. Hitzaldia egingo dute goizez, eta energetikoki buru askea den etxebizitza bat bisitatuko dute arratsaldean.
10:30ean elkartuko dira Kultur Etxean, aurkezpena egiteko. 11:00etan hitzaldia egingo dute: Fernando Bengoetxeak –Ekain taldea– eta Rafa Irastorzak –Uhin– energia burujabetzaren inguruan hitz egingo dute.
Bazkalostean, 16:00etan bio-eraikuntzaren irizpideen arabera eraikitzen ari diren etxebizitza bat bisitatuko dute, energetikoki burujabea izango dena.
Hizlarien saria, bidaia eta kudeaketa gastuetarako ahal duenak 10€ ematea eskatuko dute.