Urubiak eta mozoloak askatuko dituzte datorren ostiralean, ekainaren 17an, Iturraran parketxean. Igeldoko Arrano Etxean sendatu dituzten gautxoriak askatuko dituzte Mikel Olano adituarekin. 21:30ean elkartuko dira Iturrarango menditxoan eta han askatuko dituzte hegaztiak.
Doakoa izango da ekitaldia, baina izena eman behar da bertara joateko. Erreserba egin eta informazio gehiago jaso nahi duenak 943 83 53 89 telefonoan edo iturraran@gipuzkoamendizmendi.net helbide elektronikoan egin dezake.