Ostiralean ekin zioten Herriarteko Txapelketari. Pilotan, Aiako taldeak etxetik kanpo jokatu zituen partiduak, Arrasaten. Hiru partidu jokatu zituzten: kadeteetan, jubeniletan eta nagusietan. Hirurak galdu zituzten, nahiz eta bi irabazteko zorian ibili.
Kadeteek 22-17 galdu zuten, partida estu baten ondoren. Jubenilek ere partida berdindua izan zuten eta irabazteko aukerak izan zituzten. Azkenean, 22-18 galdu zuten. Nagusiek ezin izan zuten apenas tantorik egin. 22-2 irabazi zuten arrasatearrek.
Lehen hiru partiduetan punturik lortu ez bazuten ere, horretan ahaleginduko dira ostiral honetan, maiatzaren 13an. Aiako pilotalekuan jokatuko dituzte itzulerako partiduak, berriz ere Arrasateko taldeen kontra.