Ate joka dago Gipuzkoako Herriarteko Pilota Txapelketa. Guztira 25 taldek eman dute izena eskuzko txapelketan, tartean aiarrek. Maiatzaren 6an ekingo diote lehiari eta aiarrek lehen partidua egun horretan bertan izango dute. 20:00etan, Arrasaten.
Eskuzko kategorian, herri hauek hartuko dute parte:
- Aduna
- Aia
- Altzo
- Andoain
- Arrasate
- Asteasu
- Astigarraga
- Ataun
- Azkoitia
- Azpeitia
- Bergara
- Bidania-Goiatz
- Donostia
- Errenteria
- Hernani
- Lasarte-Oria
- Lazkao
- Lezo
- Oiartzun
- Oñati
- Tolosa
- Usurbil
- Zestoa
- Zizurkil
- Zumarraga
Aurten parte hartzaile berriak daude aurreko edizioarekin alderatuta: Aduna, Altzo, Bergara, Lazkao eta Usurbil izango dira. Estreinakoz Aduna eta Altzo arituko dira, ez dute sekula parte hartu txapelketan. Iaz Alegia eta Beasainek jokatu arren, aurten ez dira lehiatuko.
Aurkezpenean kontatu zutenez, babesle pribatuak lortzen saiatu diren arren, ez da posible izan. Sariei dagokionez, beraz, 2500€ jasoko ditu txapeldunak eta 1250€ txapeldun ordeak. Parte hartzaile guztiak 150 euro lortuko dituzte gainditutako kanporaketa bakoitzeko.