Gipuzkoako Minbiziaren Aurkako Elkarteak hitzaldia antolatu du gaur arratsaldean, 18:30ean, Aiako Alkar Elkartean. Martxoaren 31ko Koloneko Minbiziaren Egunaren harira, gaixotasun hori elikaduraren bidez nola ekidin daitekeen azalduko dute.
Bi atal izango ditu saioak. Batetik, Ibai Goikoetxeak eta Oihane Ericek hainbat azalpen emango dituzte gaixotasunaren eta horren prebentzioaren inguruan. Bestetik, Joxean Eizmendi sukaldariak elikadura aholkuak emango ditu eta osasuntsu jateak ez duela zertan aspergarria izan erakutsiko du. Maider Sierrak, Gipuzkoako Minbiziaren Aurkako Elkarteko psikologoak moderatuko du solasaldia.
Hitzaldia doakoa da eta bertara joan nahi duenak 943 13 32 36 telefonora deitu behar du izena emateko.