Zabalik dago dagoeneko Pagoeta Mendi lasterketarako izen-ematea. Maiatzaren 15ean izango da eta 13. edizioa du aurtengoa. Zarauzko Salbatore Mitxelena ikastolako guraso talde batek antolatzen du proba eta 17 kilometrokoa izango da aurten. 1.400 metroko gora-behera metatua izango du.
Zarautzen hasi eta bukatuko da lasterketa, Pagoetako partetik pasako da lasterketa eta mendi tontorreko gurutzea izango da mugarritako bat. Lasterketa ondoren hamaiketakoa egongo da parte-hartzaile eta ikusleentzat eta, sariez gain, hainbat zozketa egingo dituzte.
Izena eman nahi duenak www.herrikrosa.eus webgunean egin dezake 18 euroren truke.