Ohiturei eusten diete Aian. Arristerazuko erromeria entzutetsua da, ezaguna baita Aiatik kanpo ere. Eta usadio horri heldu die beste behin antolatzaileek, ohiturak ez galtzeko asmoarekin eta igande arratsaldetan plaza giro alaiaz blaitzeko helburuarekin.
Igande honetan hasiko da, beste urte batez, erromeri denboraldia. Izer eta Alabier trikitilariek emango diote hasiera denboraldiari. Ohi bezala, arratsaldeko 18:30ean hasiko da saioa eta hiru orduko iraupena izango du, 21:30ean amaituko baita.
Andatza auzoko erromeriak duen harrera ona izaten jarraitzeko, igande honetan Arristerazura gerturatzeko gonbita luzatzen dute antolatzaileek.