Maiatzaren 30ean, Aia burrunba ahotsak hartuko du. 10:00etan hasita egiaztapen frogak egingo dira, bi orduz. Ondoren, 15:00etan, entrenamenduak hasiko dira eta gero, hiru txanda ofizialak. Txanda horietan Andatzatik eta Aiako kaskorainoko ibilbidea egin beharko dute. Ikusi nahi duenak hamar euro ordaindu beharko ditu
Gorka Eizmendi: "Ilusio berezia egiten du etxean parte hartzeak"
Argazkia: Josu Uribe
Etxean parte hartzea berezia izango da.
Beti egiten du ilusio berezia etxekoen aurrean lehiatzeak, parte hartzeak. Oso gustuko dudan igoera da Aiakoa eta ahalik eta emaitza onena izaten saiatuko gara, ziur.
Nolako lasterketa izango dela aurreikusten duzue?
Lasterketa gogorra izango da, piloto eta auto on asko egongo baita.
Eta zein helbururekin joango zarete?
Gure helburua txapelketan postu bat gora egitea da. Hirugarren postuan gaude orain eta bigarren jarri nahiko genuke. Kotxeari aldaketa asko egin dizkiogu eta, aldakera horiei esker, lehen baino azkarragoak izateko gai garela uste dugu. Larunbatean ikusiko dugu.