Hegoak Astintzen taldeak hezkuntza astindu nahi izan du oraingoan, eta, horretarako, Hezkuntza Astintzen jardunaldia antolatu dute. Bertan hiru hezkuntza proiektu azalduko dira: Zapaburu, Goiztiri eta Zingira. Eskola tradizionaletik kanpo dauden hiru proiektu horiek ezagutzeko aukera izango da.
Arratsaldeko 17:30ean hasiko da, proiektu bakoitzeko kideen solasaldiarekin. Hizketaldiaren ondoren zalantzak partekatzeko txanda etorriko da. Eta, amaitzeko, proiektu berriak sortzeko indarraren inguruan jardungo dira. Helduak ez ezik, umeak ere ongi etorriak izango dira.