Izeta sagardotegiak ateak irekiko ditu, kupelak zabaldu. Txotx irekiera izango da bihar, ostiralarekin, eta txotx oihuen artean bertsoak entzuteko aukera egongo da. Unai Agirre eta Anjel Mari Peñagarikano izango dira gauari errimak jartzen.
Abenduaren 15ean itxi zuten sagardotegia, eta hilabete oporretan igaro ondoren, berriz irekiko dute. Sagardotegia Aiako Elkano auzoan dago, Urdanetara bidean.