Larunbatean ume jolasekin eman zien hasiera Urdanetako San Martin Jaiei. Lasturgo pottokak eta zezenak izan zituzten arratsaldean eta gauean, 21:00etan, herri afaria izan zuten. Afalostean bertso saioa izan zen frontoian eta erromeria Izer eta Alabierren eskutik.
11:30eko meza nagusiko kanpainekin esnatu zen Urdaneta igandean. Hamabietan palaz binakako pilota partiduen finalak izan ziren; 13:00etan, herri kirolak; ondoren, auzoko helduen bazkaria; bazkalostean, bertso saioa eta arratsaldean kalejira eta erromeria.
Asteartea, San Martin Eguna
11:00etan meza nagusia izango da. Ondoren, bazkal aurretik, auzokoen artean egindako tortilla patata lehiaketa izango da. 12:00etan auzotarren artean egindako herri kirolak txapelketa izango da. Trontza, txingak, lokotsak, zaku-karrerak... denetarik egin beharko dute Ostolaza eta Andonegi trikitilariek girotuta. Gauean, 22:30ak aldera, Ximor tabernan berriz ere lanean jarriko dira trikitilariak.