Harri txikien Euskadiko Harri-jasotze Txapelketa absolutua eta 80 kiloz azpikoen txapelketa jokatuko da bihar, azaroaren 9an, Aiako probalekuan. 18:00etatik aurrera arituko dira sei parte-hartzaileak harriak jasotzen.
Hiru dira absolutuan jokatuko dutenak: Inhar Urruzuno, Jesus Mari Iruretagoiena Izeta III eta Iñigo Eizagirre. Beste hiruk parte hartuko dute 80 kiloz azpiko txapelketan: Joseba Otaegik, Urtzi Telleriak eta Josetxo Urrutiak.
Launa harri jasoko dituzte lehiakideek, hiru minututan bakoitza: 100 kiloko bola, 112,5 kiloko kubikoa, 125 kiloko zilindrikoa eta 125 kiloko laukizuzena.