Hasi da atzerako kontaketa udako jaiei dagokionean. Uztailaren bukaeran eta abuztuaren hasieran herri askotako festak dira, baita Aiakoak ere. Uztailaren amaieran, 24an, Santio Festak hasiko dira. Hauek bukatu eta berehala, Aiako herriko festak hasiko dira; bat amaitu eta bestea hasi.
Dena den, oraindik Santioak hasteko daude. Trikitixa eta pandero hotsekin, Ai Ene! Erromeri taldearekin doinu artean emango zaio hasiera jaiari, bihar bertan. Lau egunetan ospatuko dituzte Santioak; uztailaren 24ean, 25ean, 26ean eta 30ean. Erromeria, herri kirolak, jolasak, bertsoak... denetik izango da Santio Festetan; denetik eta denentzat. Haur eta gustu guztientzako egitaraua osatu baitute.
Uztailak 24
- 11:00 Ai Ene! Erromeri taldea
- Jarraian Oilasko bilketa
Uztailak 25
- 10:30 Meza
- Jarraian Zaharren hamaiketakoa
- Ondoren Herri kirolak
- 22:30 Bertsolariak
- Jarraian Kupela erromeri taldea
Uztailak 26
- 10:30 Meza
- Jarraian Ume jolasak
- 16:00 Mus Txapelketa
- 00:00 DJ Abiba diskofesta
Uztailak 30
- 21:00 Oilasko biltzeko afaria Portu Erretegian
- Jarraian DJ Ibon
Herri kiroletan harri jasotzaileak eta aizkolariak egongo dira. Enborrak mozten Ernesto Ezpeleta Bihurri eta Hodei Ezpeleta aita semeak arituko dira. Harria jasotzen Joseba Ostolaza eta Udane Ostolaza aita alabak, Aimar Galarraga eta Jokin Eizmendi ibiliko dira.
Bertsolariei gaia jartzen Andoni Egaña egongo da. Bere esanak betetzen Anjel Mari Peñagarikano, Sustrai Colina, Maialen Lujanbio, Aitor Mendiluze eta Amets Arzallus izango dira.