Jende gutxi bildu zen Kultur Aniztasunaren jaia antolatzen lehen bileran; Brasil, Ekuador, Honduras eta Udaleko ordezkariak, hain zuzen. Eztabaida gai nagusia data erabakitzea izan zen. Udalak, hasiera batean, San Pedro festen barruan egitea proposatu zuen; baina bilerara etorri zirenek nahiago dute beste egun batean izatea. Ekainaren 14an egitea proposatu zen, baina oraindik konfirmatzeke dago eguna.
Astearte honetan, apirilaren 29an, zehaztuko da eguna. Bigarren bilera bat egingo da bihar, berriz ere Udaletxeko teilatu azpiko gelan, 19:00etan. Joan den ostegunean egin zen bileran bildutakoek bigarren bilera bat antolatzeko beharra ikusi zuten, hortaz, oraingo honetan ahalik eta jende gehienari bertaratzea eskatzen diete, guztion artean antolatzeko festa.
Bigarren bilera honetan festaren eguna antolatzeaz gain diseinu orokorra ere erabaki nahi da. Bilera irekia da, hortaz, edonor izango da ongi etorria.