Agenda 21 ekimenaren barruan, asteazkenean jarraipen foroa egingo dute ikasleek Orioko Udaleko ordezkariekin. 10:00etan hasita, Zaragueta Herri Eskolako eta Orioko Herri Ikastolako LHko eta DBHko ikasleen ordezkariek parte hartuko dute saioan. Gaztetxoak Orioko alkate Joxe Angel Zalduarekin eta ingurumen zinegotzi Angel del Hoyorekin bilduko dira udalbatzar aretoan.
Bileran iaz egin zituzten eskaerei jarraipena egingo diete ikasleek, eta udalak beren proposamenak bete dituen ezagutuko dute haur eta gaztetxoek.