Enpresako batzordekoek argi esan zuten albiste txarra jaso bezain pronto: dagoeneko berandu da. Denbora zeramaten enpresako prekarietatea salatzen, segurtasun neurriak eskatzen; baina, enpresak ez zuen urratsik eman eta Arrillaga prekarietatearen biktima dela zioten.
Atzo, bide beretik, elkarretaratzea egin zuten oriotarrek eta aiarrek Orioko plazan. Iluntzeko 20:00etan bildu ziren, bi helbururekin. Batetik, Arrillagaren senideei babesa adierazi nahi izan zieten; eta, bestetik, prekarietatea salatu.
Lan istripu baten ondorioz hil zen Arrillaga, altuera batetik erori zelako; eta, horrelakorik ez gertatzeko beharrezkoak diren segurtasun neurriak hartzeko eskaera egin zuten atzo; horrelako gertaerarik gehiago ez gertatzeko eskatu zuten.