Ereaga hondartza bodyboardaren gotorleku bilakatuko da asteburuan. Euskal Bodyboard Zirkuituaren hirugarren eta azken proba jokatuko da, eta, orain artekoa ikusita, Oriora txapela etortzeko aukera handiak daude.
Oraingoz Unai Zubizarreta oriotarra da lider 18 urte azpikoen mailan, 1860 punturekin. Atzetik, 190 puntu gutxiagorekin, Gontzal Bilbao dago; ondoren, Mikel Atxega dago; eta laugarren, Jon Azkue. Hortaz, Getxon jokatuko den azken proba erabakiorra izango da. Han jakingo da nork eramango duen Euskal Bodyboard Zirkuituko txapela.