Gipuzkoako Ibilbide Luzeko Txapelketak jokatu dituzte asteburuan Bidasoa ibaian, Santiagotarrak Arraun Elkarteak antolatuta. Bertan izan dira Orio Arraunketa Elkarteko gazteak eta klubak guztira 22 ontzi uretaratu ditu, 54 arraunlariren parte hartzearekin, hain zuzen.
Hala, 20 ontzi txapelketako dominen lehian jardun dira (bi ontzi txapelketatik kanpo geratu dira), eta domina kopurua kontutan hartuz, ibilbide luzeko txapelketan aspaldiko emaitzarik onenak lortu dituzte oriotarrek. Guztira 17 domina ekarri dituzte etxera, hala nola, bederatzi urrezko, bost zilarrezko eta hiru brontzezko. Hona hemen sailkapenak osorik.
Datorren hitzordua urtarrilaren 31n, larunbatarekin, izango dute Bidasoan, eta bertan Euskadiko Ibilbide Luzeko Txapelketak jokatuko dituzte, hain justu.
Batel ligan, emaitza onak
Gipuzkoako Batel Ligako bigarren jardunaldian ere lehiatu ziren Orioko arraunlariak pasa den igandean. Pasai Donibanen (Gipuzkoa) jokatu zituzten estropadak, eta OAEk guztira sei batel aurkeztu zituen, tartean infantil neska-mutilen hiru eta kadete neska-mutilen beste hiru. Besteak beste, bi garaipen lortu zituzten bertan infantil eta kadete mutilek. Hona hemen sailkapenak osorik.
Batel ligako hurrengo hitzordua otsailaren 1ean izango da, igandearekin. Antolatzaileek, ordea, aurrerago emango dituzte estropadaren xehetasun guztiak.