Orioko Futbol Taldeko neska-mutilak gogor aritu dira asteburu honetan. Etxetik kanpo lehiatu dira gizonezkoak, eta 0-0 berdindu dute Andoaingo taldearen aurka, eta emakumezkoek, berriz, 2-0 galdu dute, Tolosaren kontra.
Hala, sailkapenari begira, Ohorezko Mailan hamabigarren postuan jarraitzen dute une honetan emakumezkoak, eta gizonezkoek, berriz, postu bat gora egin dute, hamahirugarren baitira sailkapenean.
Datorren asteburuan Mondragonen aurka ariko dira gizonezkoak etxetik kanpo –zazpigarren da talde hori sailkapenean–, eta Bergararen kontra, berriz, emakumezkoak, baita etxetik kanpo ere.