Ganbara sormen tailerrak antolatuta, "munduko aniztasuna adierazteko" maskaren tailerra egingo dute urtarrilean hasita. Besteak beste, kultura eta gizarte ezberdinetako maskarak egingo dituzte, askotariko materialekin esperimentatuz.
Tailerra LH mailako ikasleei zuzenduta dago, eta izen-ematea dagoeneko zabalik da. Urtarrilean hasi eta ekainera arte iraungo du ikastaroak, eta interesdunek 60 euroko kuota ordaindu beharko dute hilabetero.
Hori horrela, saioak ostegunetan izango dira, 17:00etatik 18:30era, Orioko Herri Ikastolan. Parte hartzeko edo informazio gehiago eskuratzeko, 652 70 22 37 zenbakira idatzi daiteke.