Orioko Udalak urrian abiatu zuen San Martin ermitako bidea egokitzeko lanen azken fasea. Obra nagusia San Martin ermitatik Txankarainoko errepide zatian egiten ari dira, hain zuzen, eta bihar asfaltatuko dute errepidearen zati hori. Horregatik, 08:00etatik 17:00ak arte autoentzako pasabidea erabat itxita egongo dela aurreratu dute.
Halaber, lanek sei asteko iraupena izango dutela aurreikusi zuen udalak, eta orain arte "martxa onean" ari direla kontatu du. Hori horrela izanda, dena ondo badoa, azaroaren bukaeran amaitutzat emango dituzte zereginak, eta argiteria berria ere martxan izango da.