San Martin eguna ospatzen ari dira gaur Ortzaikan eta San Martin bailara osoan. Ohi bezala, San Martin ermitak ateak zabaldu ditu, 10:00etan meza hartzeko. Eguraldi dotorearekin, goraino bete da ermita.
Eguerdi partean, berriz, hamaiketakoa eskaini dute Ortzaikan, Oliden jatetxean. Han ere ez da auzotarrik falta izan mokadua eginez berriketa saioa egiteko lagunartean.
Festetako txosnagunean tokan ibiltzera animatu denik ere izan da, txapelketa antolatu baitute bertan.
Gaur ez da beste ekitaldirik izango, baina ostiraletik igandera jarraituko dute sanmartinez gozatzen. Honakoa da aurtengo jaietako azken hiru egunetako egitaraua:
Azaroak 14, ostirala
- 19:30. Triki-poteoa Attola eta Haritzekin.
- 22:30. Mus txapelketa. Izen-ematea 22:00etan.
- 00:00. Davila DJa.
Azaroak 15, larunbata
- 05:30. Baratxuri zopa jana.
- 06:00. Oilasko biltzea.
- 19:00-21:00. Niko DJa.
- 23:30. Niko DJa.
Azaroak 16, igandea
- 14:00. Bailarako bazkaria.
- 18:00. Erromeria Jagoba eta Maddalenekin.