Libe Arruabarrena eskubaloi jokalari oriotarra lesionatu egin da Europako Junior Txapelketa jokatzen ari zenean. Astelehenean barne alboko lotailuan bihurdura egin zuen. Horrez gain, lotailu gurutzatuan zer duen jakiteko erresonantzia egingo behar diete txapelketa amaitu ondoren.
Montenegron, Suediaren aurka jokatutako Main Roundeko partidan hartu zuen min belaunean, jokalari bat gainera erori ondoren. Lesioa hasiera batean larriagoa zela uste zuten.
Hori bai, Arruabarrenak Gukari azaldu dio “partida politenak” ezin izango dituela jokatu: atzoko final laurdenak, eta, irabaziz gero, finala.