Sanferminetan murgilduta daude iruñarrak, eta urtero bezala, herri eta auzoetan San Fermin Txiki egunak ari dira ospatzen udaleku irekietako haur eta gaztetxoak. Orion, Txurrumuskiren eskutik egin dute entzierroa gaur HH eta LH mailetako hainbat haur eta gaztetxok, eta urtero bezala, emozioa izan da nagusi zezenak agertzen ikusi orduko.
Ikastolako Pergolan 11:30ean hasi dira txikienak korrika zezenen aurrean, eta helduenek, LH 3 eta 5 arteko gaztetxoek, Pergolatik kanpora ere egin dute korri, kiroldegi aurretik ikastolako frontoira arte, zezenen aurretik. Inor ez da erori, eta beraz, zauriturik gabekoa izan da aurtengo entzierroa.