Orioko Zaharren Babeslekuak irteera antolatu du Iruñara (Nafarroa) apirilaren 9rako. Goizean goiz aterako dira hiribururantz, eta behin iritsita, denbora librea izango dute hiria esploratzeko. 14:00ak aldera, bazkaria izango dute Iruñazarra jatetxean. Ondoren, autobusera joan eta berriro Oriora itzuliko dira.
Irteerarako txartelek 40 euro balio dute, eta martxoaren 25ean jarriko dituzte salgai, 16:30etik 18:00etara, Zaharren Babeslekuan (Herriko Plaza, 1). Bestalde, antolatzaileek jakinarazi dute autobuseko eserlekuak zozketa bidez esleituko direla, eta martxoaren 25ean bakarrik salduko dituztela txartelak.