Santa Ageda bezpea da gaur, eta trikiti doinuek lagunduta, makilak eskuetan eta eztarriak kanturako prest elkartu dira Orioko Herri Ikastolako kideak 18:00etan ikastola aurreko plazoletan. Han hasi dira santa eskeko koplak kantatzen, eta kalejira egin dute herrian barrena: Kultur Etxe aurrean egin dute bigarren geldialdia, eta alde zaharrean barrena ibili ondoren, Herriko Plazan amaitu dute ibilbidea.
Errikotxia bertso eskolako kideak aritu dira haiekin kopla kantari.