Alerta laranja ezarrita zeukan gaurko Eusko Jaurlaritzaren Segurtasun Sailak itsasaldeko arriskuagatik. 5-6 metroko olatuak zeuden iragarrita, eta hala, barra ingurua oinezkoentzat itxi egin du Udaltzaingoak. Bart gauean, malekoia ere itxita egon da.
16:00 aldera izan da itsasgora, eta irudi ikusgarriak utzi ditu hondartza eta barra inguruan, argazkiotan ikus daitekeenez.
Bihar, asteazkena, egoerak hobetzera egingo du, eta abisu horia egongo da indarrean, haizeagatik eta itsasaldeko arriskuagatik.
(Argazkiak: Arnaitz Rubio Aprea)