Merke-zurrean esamoldea hautatu du aste honetan Orioko Udalak Aritz Pardinak herriko hitz eta esamoldeez egindako bilketatik. Astean behin herriko hitz edo esamolde bat zabaltzea da asmoa, eta aurreko asteetan, esaterako, zikin-estalia, txikitan jaioa, potoko esnea eta elorrio esamoldeak partekatu izan ditu.
Merke-zurrean esamoldeak merke-merke, eta, ondorioz, eskas esan nahi du. Erabilerari dagokionez, modu honetara esaten da: Alkandora urratu zaizu? Merke-zurrean erosiko zenuen-eta!.