Larunbat arratsaldeak girotzeko asmotan, txaranga zirkuitua antolatu du Orioko Udalak. Guztira lau txaranga etorriko dira herrira, gaurtik hasita.
Arratsalde honetan izenburupean, 18:30etik 20:30era, bi orduz ibiliko dira txarangak kalez kale. Hau izango da ibilbidea kasu guztietan: Abeslari kaletik irtengo dira, eta Herriko Plazara egingo dute bidea; handik Aritzaga kalerantz joango dira, eta Ibai Ondon bukatuko dute.
Hona hemen egutegia egutegia:
- Apirilak 13: Quitadelpare txaranga (Lezo)
- Apirilak 20: Jainekin txaranga (Tolosa)
- Apirilak 27: Gazte txaranga (Iruñea)
- Maiatzak 4: Orioko txaranga