Azken egunetan plastikozko pinportak agertu dira euskal kostaldean, tartean Getariako eta Orioko hondartzetan, eta AZTIko adituek laginak aztertu dituzte –zehazki, Bizkaiko hondartzetan agertutakoak aztertu dituzte–. Lehen azterketen arabera, ia ziurra da plastiko zati horiek ez direla Toconao ontziak Galiziako uretan galdutakoak. Horixe esan du gaur prentsaurrean Josu Erkoreka Eusko Jaurlaritzako Segurtasuneko sailburuak.
Bestalde, bihar bertan gaiaz bilera egitekoak dira aldundiko arduradunak Gipuzkoako kostako herrietako alkateekin.
