Euskal Herrira iritsi berri den senegaldar-multzo bati laguntzeko arropa bilketa egingo du bihar, Orioko Erein elkartasun-taldeak. Hain zuzen ere, Kanarietatik Bilboko Bolueta zentrora iritsitako 22 migratzaileei laguntzeko erabiliko da jasotzen den material guztia.
Herriko plazan jarriko duten gunera eraman daitezke arropak, 11:00etatik 13:00etara. Hala, neguko arropak (berokiak, jertseak, galtza luzeak, barruko kamisetak, oinetakoak, txapelak…) batuko ditu Erein elkartasun-taldeak.