Orioko Udalbatzak bihar, osteguna, egingo du iraileko osoko bilkura udaletxeko udalbatzar aretoan 19:30ean hasita.
Zazpi puntuko gai zerrenda osatu dute, eta horien artean, ordenantza fiskalak izango dituzte hizpide. Alegia, 2024ko urtarrilaren 1etik aurrera herritarrek eta herriko enpresek zer zerga eta tasa ordaindu beharko dituzten erabakiko dute.
Horrez gain, Orioko udalerriko kaleko garbiketa zerbitzuaren kontratazioa ere adjudikatuko dute biharko udalbatzarrean.
Herritarrek udaletxean bertan jarraitu ahalko dute osoko bilkura, edo ohi bezala, atari honetan nahiz udalaren webgunean, zuzeneko streaming saioan.