Aurtengo San Pedro jaietako egitarauan Oa kaleko eskaileretako lasterketa berreskuratu nahi du festa batzordeak. Bertan parte hartu nahi dutenek ostiralera arte edukiko dute aukera izena emateko, ekarpenak@orio.eus helbidera mezu bat idatziz. Mezuan, izen-abizenak eta telefonoa eman behar dira.
Proba prestatuko duen taldea osatzen bada, ekainaren 30ean egingo da erronka, ostiralarekin, 19:00etan hasita.
Horretarako, taldetxo bat sortu nahi da, probaren antolaketaz arduratuko dena. Antolaketa taldean sartu nahi duten herritarrek taldean zein bakarka eman dezakete izena aipatutako helbidean.