Txurrumuski aisialdi elkarteak irteera antolatu du Baztango abentura parkera. Txangoa, martxoaren 25 eta 26an izango da. Hain zuzen, DBH 1 eta 4 maila arteko ikasleentzat.
50 euro kostako da, eta bertan parte hartu nahi dutenek bihartik hasi eta martxoaren 13ra bitartean zabalik izango dute izena-emateko epea, gaztelekuan. Inskripzioa egiten dutenek, ondorengo agiriak aurkeztu beharko dituzte gaztelekuan bertan:
- osasun txartelaren kopia
- inskripzio orria beteta
Plaza mugatuak izango dira. Beraz, elkartetik azaldu dutenez, inskripzioa egin eta onartuak izan ondoren egingo da transferentzia. Transferentzia egiteko argibideak, berriz, gaztelekuko langileek emango dituzte.