Eguerdian, 13:50ak aldera, suhiltzaileek larrialdi abisua jaso dute, gizonezko bat mendian zebilela erori egin dela jakinaraziz. Aiako Mendibeltz mendiaren magalera bertaratu dira bi suhiltzaile talde, eta erreskatatu egin dute istripua jasan duen laguna. Hasiera batean, bere kabuz jaisten saiatu da, baina ezin izan du. Suhiltzaileek KARKARAri azaldu diotenez, belaunetan hartu du min.
Anbulantzia ere bertaratu da eta tokian bertan egin dizkiote proba guztiak. KARKARAri jakinarazi diotenez, onik dago erreskatatu duten pertsona.