Magiaz beteriko ikuskizunaz gozatu ahal izango dute gaur Orioko Herriko plazan. Izan ere, Gookapi konpainiak Iratxoen kantu sekretuak emanaldia eskainiko du 17:30etik aurrera.
Baso magikoan murgildu eta iratxoen sekretu ugari ezagutuko dituzte bertaratutakoek. Ingurune naturala maitatzeko eta babesteko irakaspenak eman nahi ditu ikuskizunak, kanta, hitz eta koreografien bitartez. Pintxo, Mithy, Liz, Hur, Xira, Maisu Jakintsu eta bestelako iratxoak Iñigito Txapelpunk abeslariarekin, Andrea Covadonga, Alazne Astorga eta Ugaitz Alegria aktoreekin eta Irati eta Naia Petralanda dantzariekin arituko dira emanaldian.