Herrio natur taldeak bertako zuhaitz eta zuhaixken haziak banatu ohi ditu udazkenean, eta jakinarazi dute larunbatean, azaroaren 5ean, jarriko dutela postua herriko plazan. Bertan, haziak banatzeaz gain, horiek nola erein behar diren ere azalduko diete herritarrei. Izan ere, Herrioko kideen helburua da bertako zuhaitz eta zuhaixkak babestea, eta nahi dute herritarrek haziak etxean ereitea, eta landaretxoa sortzen denean, hori kanpoan landatzea.