Orioko Baratze Parkean ongarriei buruzko doako tailerra eskainiko dute ekainaren 27an, 18:00-19:30 artean. Baratzeetako erabiltzaileez gain, beste edozein gerturatu daiteke bertara. "Ongarrizketa egokia egiteko aholkuak" emango dituzte. Horrez gain, Furgobaratza zerbitzua ere egongo da, baratzeko gai orokorren inguruko aholkularitza jaso eta plantel eta hazi ekologikoak erabiltzeko.